Ngā Pou o te Whare

Ngā Pou o te Whare

Me āta tautuhi ngā arotahinga matua o tō tātou Marae, Taarewaanga

Ko aua Pou he mārama, ko ērā rā ngā poupou o tā mātou whakakitenga.  Mā taua tautuhinga e puta mai ai ēnei painga:

  • He ara ki te wetewete i tā mātou whakakitenga ki ngā wāwāhinga e āta taea ai e tātou taua whakakitenga nei
  • He whakaatu i ngā paearu mārama e hāngai tonu ana ki te katoa o te Marae – kia kaua rawa ki te wāwāhinga iti noa
  • He whakarāpopotonga i ngā koronga mō te Marae

Mai i ngā whakawhitiwhitinga kōrero o te whakakitenga me ngā whakapātaritari mō Taarewaanga Marae ka tautuhitia ai ēnei kaupapa whakaaro hei ahunga whakamua mō enei pou.

Kei tēnā kei tena o ēnei kaupapa whakaaro tētehi huinga mahinga hei whakatutuki, kei tēnā tōna wā, kei tēnā tōna inenga, kei tēnā tōna kaimahi. Mai i reira te mārama o te taunahatanga, me te ahunga whakamua, ka mutu te māramatanga o te eke panuku, eke Tangaroa

POU

Te mārama o te ūara mō Taarewaanga

MANAAKITANGA

He haumarutanga mō ngā whānau, ngā manuhiri, te taiao huri noa

RANGATIRATANGA

He manaaki i ngā rangatiratanga nāianei, o āpōpō rā anō I roto i ā tātou mahi katoa

KOTAHITANGA

He whaipānga nō ngā whānau katoa ki te Marae me tōna tuākiritanga

PIRINGA

He piringa hihiri, piringa ora tonu, mō ngā whānau, mō ngā iwi whaiwāhi mai ki te Marae

Manaakitanga
He haumarutanga mō ngā whānau, ngā manuhiri, te taiao huri noa. 

He marae whakaiti a Taarewaanga, he whakaaronui ki te manaaktanga. Ko taua manaaki i a tātou anō, manaaki i ō tātou manuhiri. manaaki i te taiao, arā hei Kaitiaki. Kia rite ngā kōingo a ō tātou whānau, ko Taarewaanga te papa kāinga, Ā, kia kaua te hunga manuwhiri e hiahia ki te wehe. Kua tautuhitia e tātou ki te rautakitanga ngā wāhinga hei pupuru mā tātou, me ngā whakahounga rā anō hoki:

  • Kaitiakitanga: He mātua whakarite kia āta tiakina te taiao huri noa
  • Ritenga: He whakarite i ngā kaupapa here Creation of policies; hei tauira mō te rīhi i te Marae, me ngā tikanga hei whai mā te iwi kāinga
  • Hau Kāinga: He whakatika, whakarato, tiaki i ngā rawa, ngā rauhanga, ngā whare, me te taiao o te Marae kia tika, kika pai ai te Marae mō te katoa.

Rangatiratanga
He manaaki i ngā rangatiratanga o nāianei, o āpōpō rā anō mō roto o ā tātou mahi katoa.

He rongonui a Taarewaanga Marae mō tōna rangatiratanga ki te Owī, ki te Owā. Kua rautakingia me pēwea e taea ai te tuku i te rākau o te kaiārahitanga mai i te hunga kaumātua, ki te hunga e pōhēhē nei kāore pea e taea e ia.

  • Āheinga: He whakatika huarahi ki te ako i Te Reo me Ngā Tikanga Māori
  • Āpōpō: He mātua whakarite i te huarahi tū tika tonu ai ngā wāhi motuhake o te marae mō ngā rā kei te heke mai, ahu ake

Kotahitanga
He whaipānga nō ngā whānau katoa ki te Marae me tōna tuākiritanga

Kei tō tātou whakakitenga e herea ana ngā whānau katoa ki tō tātou marae.  Koia te pokapū o tā te marae e waiora ai, e haumaru ai, haere tonu ai.  Ko ētehi o ngā āhuatanga hei whakawhanaketanga ko ēnei:

  • Whakapapa: He mārama ngā whānau ki ō rātou whakapapa ki te marae, ki ētehi atu rā anō hoki
  • Maniapototanga: He whai mana nō tō tātou tuākiri hei Maniapoto, he whai wāhi hoki ki tōne whanake ake, whanake ake
  • Hau Kāinga: He whakatika, whakamau i te marae e whakahaungia ai ngā whānau kia hoki mai

Piringa
He piringa, he āhuru mōwai mō ngā whānau, mō te katoa e whai wāhi nei ki te Marae

E wairua here nō ngā whānau ki Taarewaanga Marae, ki tōna rangatiratanga, ki te kaha o tōna manaaki. Nō reira te taiao o te Marae , he hihiri, he piringa hoki mō te hapori ā-marae e pūkaha ana, e whaiora ana, e haumaru ana; e tū māia ana ki tō tātou tuākiri Māori, ahu ake, ki roto o ngā whakatupuranga o te Marae, o te Hapori.