Tō Tātou Hapori
E whai wāhi ana a Taarewaanga Marae I te hapori o te Taone me te Rohe o Ōtorohanga mai anō. He pokapū tātou ōna. Whakawhitihwiti kōrero ai tātou i ngā hapū huhua o Ngāti Maniapoto, i ngā Marae huri noa,i te Kauniheraā-Rohe o Ōtorohanga, i Te Nehenehenui Regional Management Committee, i Te Maniapoto Pact Trust, i Te Whare Kiwi o Ōtorohanga, i Te Whare Taonga o Ōtorohanga, i Te Rūnanga o Ngāti Apakura, i te Kaunihera ā-Rohe o Waipā, iTe Whakakitenga o Waikato-Tainui, me Te Poari Māori o Maniapoto.
Kei te whakapau te Komiti Marae me ngā Tahiti o Taarewaanga ki te whakawhanake ake me te whakahaumaru I tō tātou Marae. Koia tēnei pae tukutuku he whai wāhi ki taua whakapaunga kaha ki te whakatika, whakareri, whakaū i tētehi rautakinga mō te haere tonu o tō tātou Marae. Ko tēnei pae tukutuku ‘Mātaiata Website’ tētehi wāhi nui whakaharahara o te tupu a tō tātou Marae, he mea nui rā anō mo te whakawhitiwhiti kōrero, whakawhiriwhiri kaupapa `mo tātou katoa.
Mai i Paetukutuku nei e taea ai te tohatoha, te hora whānui o tō tātou Mātauranga Hinewai, ā tātou whakāhua, ā tātou toi, ā tātou pūoro, ā tātou kiriata, tā tātou Kapa Haka, taea noatia ngā pānui i ngā āhuatanga o te wā, e haere ngātahitia ana te whai pūtea mai i te toa hoko.
“He hapori ā-marae whaikaha, whaiora, whaipiringa hoki, e taea ai te whakawhanake ake te pupuru tonutia, o tō tātou tuākiri Māori mō ake tonu atu.”
Tā Mātou Rautaki
Ko te rautaki te ara e taea ai ā tātou whakakitenga, whāinga hoki. Ko te whakakitenga o Taarewaanga Marae he whakaata i ngā wawata a mō tātou, hei whakahau i ō tātou whānau kia whaiora, kia whaiwāhi ki tō tātou marae, hei painga mō te katoa. Ko tā Taarewaanga Marae he mihi ki ngā mahi o ngā wā o mua, he titiro whakamua ki āpōpō.
Ka whā ngā pou hei whakatika mā mātou/tātou, hei whakawhanake ake, hei whakaū:
- Ko te kaha o te pupuru i ngā tikanga me ngā Taonga Tuku Iho
- Ko te mārama ki tō tātou Whakapapa
- Ko te ako i Te Reo me Ngā Tikanga Māori
- Ko te hono tonu ki ō tātou Whānau